Осы мерекелік бағдарлама аясында облыстық балалар кітапханасының «Ертегілер алаңға шақырады» атты ертегі кейіпкерлерінің шеруі ұйымдастырылып, көпшілікке көтеріңкі көңіл күй сыйлады. Сонымен қатар, «Әр кітап – жаңа дос» кітап көрмесі мен «Кітап патшалығына кел» Book-drive (вело-жарнама) акциясы оқырмандардың ерекше қызығушылығын тудырды.

Салтанатты іс-шара барысында «Кітаптан дәм тат» библиокафе, «Кітаптар әлемінде» әдеби лото, «Кітаптан басталған қиял» сурет байқауы және «Құпия кітаптар әлемі» сиқырлы сандық сынды танымдық әрі ойын-сауық алаңдары жұмыс жасады. Оқырмандар «Әр кірпіш – бір кітап» Bibliо Jenga ойынына қатысып, «Дәмді кітаптар» библиофуршетінде ерекше форматтағы таныстырылымдардың куәсі болды.

Сондай-ақ, «Ұлттық ою – кітап бетінде» шеберлік сағаты ұйымдастырылып, қатысушылар ұлттық өнердің қыр-сырымен танысты.

Айтулы күн аясында Ыбырай Алтынсариннің туғанына 185 жыл толуына орай «Білім шамын жаққан ұстаз» атты мәнерлеп оқу сайысының жеңімпаздарын марапаттау рәсімі салтанатты түрде өтті.

Аталған іс-шара жоғары ұйымдастырушылық деңгейімен ерекшеленіп, рухани құндылықтарды дәріптеуге бағытталған тағылымды мерекеге айналды.