Сайыстың мақсаты — кітапханашылардың кәсіби шеберлігін арттыру, олардың қоғамдағы беделін көтеру және оқырмандармен жұмыстың жаңа формаларын насихаттау болды. Іс-шараға аудандық балалар кітапханаларынан (Құрманғазы, Қызылқоға, Индер, Исатай, Мақат, Махамбет, Жылыой) келген мамандар қатысып, өздерінің кәсіби біліктіліктерін, тапқырлықтарын және шығармашылық қабілеттерін көрсетті.

Сайыс 4 кезеңнен тұрады:

І кезең «Кітапханашы келбеті» таныстыру;

ІІ кезең «Библиоэрудит» лэд экран арқылы ұяшықтарға жасырылған сұрақ-жауап кезеңі;

III кезең «Кітапхана мақтанышым, кітапханашы – мамандығым» (кітапхана мен кітапханашы мамандығын жарнамалау);

ІV кезең «BOOKFEST» үй жұмысы.

Қазылар алқасы әр қатысушының дайындық деңгейін, тапқырлығын және кәсіби шеберлігін бағалады.

Нәтижесінде:

І орын- Исатай аудандық балалар кітапханасы Курасова Акбөбек Рысбайқызы;

ІІ орын- Индер аудандық балалар кітапханасы Құсайынова Қарлығаш Кенжеғалиқызы;

ІІІ орын- Қызылқоға аудандық балалар кітапханасы Ардақ Айжарқын Ардаққызы иеленді.

Іс-шара соңында барлық қатысушыларға алғыс хаттар мен естелік сыйлықтар табысталды.

Мұндай сайыстар кітапханашылардың рухын көтеріп қана қоймай, қоғамда кітап пен білімге деген қызығушылықты арттыруға зор ықпал етеді.