27 ақпан күні Атырау облыстық балалар кітапханасының өнер секторының қызметкерлерінің ұймдастыруымен «Атырау — өнер өлкесі» жобасы аясында

Қазақстан Республикасының еңбек сіңірген қайраткері қазақ эстрадасының жарқын жұлдызы, дәстүрлі әнші, сазгер, Жетісу облысының құрметті азаматы және Атырау облысы Исатай ауданының құрметті азаматы Гүлмайдан Сүндетовамен «Өнеріммен өрілген өмірім» атты кездесу кеші өткізілді.

Мақсаты: Атырау өңірінің өнер иелерімен таныстырып, олардың шығырмашылығын дәріптеу.

Алдымен кітапханашы А.Мухамбетова кітапхана қорындағы кітаптар мен мерзімді басылымдардан «Атыраудың бұлбұлы» атты кітап көрмесіне библиографиялық шолу жасады.

Кездесу кешімізге Н.Тілендиев атындағы мамандандырылған мектеп гимназиясының оқушылары Р.Махуов  Халық әні «Ақ кербез», «Шегенің термесін» А.Жайлыханұлы «Арман-ай» әнін орындады.

Сонымен қатар кеш қонағы Г.Сүндетқызының шәкірттері өз өнерлерін ортаға салып «Кел құрбым», «Боз жорға», «Атырауым мекенім»  әндерін орындады.