29 қаңтар күні Атырау облыстық балалар кітапханасының оқу залында 5-9 сынып оқырмандарын кітаппен қамту бөлімі «Діни экстремизм және терроризм —  қазіргі заман мәселесі» тақырыбында ашық микрофон өткізді. Шараға №15 Абай атындағы орта мектептің 10 ^«а» және 10 ^«ә» сынып оқушылары қатысты.

Мақсаты: Жас ұрпақ арасында діни экстремизм және терроризм жайлы түсінік беру. Діни ағымдардың қоғамға әсерін көрсету. Әлемде болып жатқан террористік әрекеттер туралы ой түю. Өскелең ұрпақтың діни ой-санасын дұрыс қалыптастыруға бағыттау.

«Діни экстремизм және терроризм — қазіргі заман мәселесі» тақырыбындағы ашық микрофон барысында «Жәрдем Атырау» КҚ-ның теологы Ринат Қалмазұлы, «Шапағат» деструктивті діни ағымдардан жапа шеккендерге көмек көрсету орталығы қоғамдық қорының теолог маманы Орынғалиев Ринат Сембайұлы және Ғанибет Абдраманов, Сапарбай Мұхаметәлі сөз сөйлеп, зайырлы мемлекетіміздегі асыл дініміздің орны туралы баяндады. Сондай-ақ, дін мен дінге жатпайтын, яғни еліміздің ертеңі жас ұрпақты дәстүрде жоқ теріс әрекеттерге шақыратын жат ағымдар идеологиясын ажырата білудің жолдарын ашық айтты.

Кітапханашы Ахметқалиева Л. өз кезегінде тақырыпқа сай жасақталған кітап көрмеге библиографиялық шолу жүргізді

Шара соңы сұрақ-жауапқа ұласып, қатысушылар өздерін толғандырған сұрақтарға жауаптарын алды.